Daníel Tristan var nálægt því að fara en er ánægður hjá Malmö

Erik Botheim hefur verið á undan honum í goggunarröðinni og félagið nældi í Diego Garcia. Botheim var hins vegar seldur sem opnaði pláss fyrir Daníel.

„Það er ljóst að það gerðist margt. Maður vissi ekki hvað myndi gerast en maður varð að taka einn dag í einu. Svo lengi sem maður er einhvers staðar einbeitir maður sér að því," sagði Daníel í samtali við Fotbollskanalen.

„Mér leið vel (með Bielefeld). Við seldum Erik svo þetta er bara ég og Diego. það opnar möguleika fyrir mig að fá einhverjar mínútur. Ég er ánægður hérna núna."

Daníel hefur spilað 36 leiki fyrir Malmö, skorað fimm mörk og lagt upp sex. Hann hefur aðeins byrjað einn af 11 leikjum á þessu tímabili og lagt upp eitt mark.