Leiktímar í 23. og 24. umferð Bestu klárir - Akureyrarslagurinn á laugardagskvöldi

KSÍ er búið að setja niður leiktíma fyrir 1. og 2. umferðina í Bestu deildinni eftir tvískiptingu, umferðirnar sem spilaðar eru fyrir landsleikjahlé.

Öll umferðin í neðri hlutanum verður að óbreyttu spiluð á sama tíma, klukkan 14:00 á sunnudag og á sama tíma tekur KR á móti ÍA í efri hlutanum. Á sama tíma fer fram seinni leikur Fylkis og HK í undanúrslitum Lengjudeildarumspilsins.

Á mánudagskvöld tekur Víkingur svo á móti Keflavík og á þriðjudagskvöld fer Breiðablik í heimsókn í Úlfarsárdalinn, en Breiðablik spilar til bikarúrslita föstudaginn á undan.

Í 24. umferð tekur KA á móti Þór í nágrannaslag og fer sá leikur fram laugardagskvöldið 19. september. Fyrr sama dag, klukkan 14:00 að öllu óbreyttu, tekur KR á móti Víkingi í toppbaráttuslag.

Umferðinni lýkur svo daginn eftir með fjórum leikjum sem allir hefast klukkan 16:00.

Áætlað er að spila 25. umferðina 11. október, 26. umferðina 18. október og lokaumferðina 24. október en ekki er búið að skrá þá leiktíma.