„Myndi skammast mín fyrir að kalla eftir broti þarna“

„Þetta er aldrei aukaspyrna, Gabríel stígur á boltann og Djuric bara hirðir boltann af honum. Ekki í nokkrum einasta kappleik er þetta brot," segir Elvar Geir en Danijel Djuric vann boltann af Gabríel Snæ Hallssyni.

„Ánægður með Djuric þarna, hann var bara harður. Það er nákvæmlega ekkert í þessu. Ég myndi skammast mín fyrir að kalla eftir broti þarna," segir Kári Snorrason.

„Við höfum allir lent í því að sjá hlutina öðruvísi í rauntíma, ef þú ert þjálfari liðs sem er að ströggla svona mikið eins og Breiðablik vertu þá búinn að skoða þetta aftur áður en þú segi þetta í viðtali eftir leik. Mér finnst veikleikamerki að vera að benda á eitthvað svona. Þetta var aldrei brot á Djuric," segir Valur Gunnarsson.

„Ég held að það séu fáir leikmenn sem byggjast jafnmikið upp á sjálfstrausti og Djuric. Hann vinnur boltann af harðfylgi og býr til mark, þetta gerir helling fyrir hann," segir Kári.

Það var kraftur í Danijel Djuric í leiknum en hann var þó mjög nálægt því að vera skúrkur í leiknum, eins og fjallað var um í Innkastinu.

Sjáðu sigurmark KA: