Suarez skrifaði nýlega undir samning við Atletico sem borgaði fimm milljónir evra fyrir hans þjónustu.

Suarez notaði lengi níuna á Nou Camp en hún fer nú til Braithwaite sem kom til Barcelona fyrr á þessu ári frá Leganes.

Braithwaite er alls ekki fyrsti maður á blað í Barcelona en hann hefur til þessa leikið 11 deildarleiki og skorað í þeim eitt mark.

Danski landsliðsmaðurinn var áður á mála hjá Middlesbrough en er uppalinn hjá Esbjerg í heimalandinu.

Braithwaite klæddist treyju númer 19 áður en Suarez kvaddi félagið.