Wenger í sambandi við Bayern

Arsene Wenger, fyrrum stjóri Arsenal, hefur verið í sambandi við Bayern Munchen og möguleiki er á að hann taki við sem þjálfari liðsins að sögn Sky í Þýskalandi.

Bayern er í leit að þjálfara eftir að Niko Kovac var rekinn í kjölfarið á 5-1 tapi gegn Frankfurt um síðustu helgi.

Hinn sjötugi Wenger hefur lýst yfir áhuga á starfinu en hann vill komast aftur í fótboltann eftir eitt og hálft ár í pásu.