Aron Snær magnaður: Skrítið að segja það en ég sá þetta fyrir mér

„Við vorum bara helvíti góðir" sagði Aron Snær Ingason sem átti frábæran leik fyrir Þrótt í kvöld og skoraði tvö mörk. 

„Við kveiktum á okkur og áttum inni, sérstaklega ég eftir seinasta leik. Maður fékk að taka þátt í þessum leik en ekki hinum" 

„Við vorum bara 'on it' og ég fann það bara í gær og inni í klefa áðan að við vorum bara allir 'on it' og værum að fara taka þá" 

Þróttarar lágu svolítið til baka til að byrja með en náðu svo inn marki eftir vítaspyrnu sem gjörbreytti svo leiknum.

„Við vorum smá stressaðir í byrjun, þorðum ekki alveg að spila. Þeir eru góðir í að éta upp pressu þannig við bara byrjuðum að sparka langt en svo þegar að fyrsta markið kom þá kom meira sjálfstraust í okkur og við þorðum að spila. Eftir það þá áttu þeir ekki breik" 

Aron Snær Ingason skoraði annað mark leiksins og setti hann boltann á nærstöngina þegar allir bjuggust við því að hann væri að fara koma með fastan bolta fyrir markið.

„Ég sá þetta, kannski skrítið að segja það en ég sá þetta fyrir mér í gær. Ég lendi oft í þessari stöðu og er oft að gefa fyrir og það heppnast ekkert alltaf og Venni er líka búinn að segja fyrir leik að negla á markið þegar við fáum skottækifæri og það var rétt hjá honum" sagði Aron Snær Ingason.

Nánar er rætt við Aron Snær Ingason í spilaranum hér fyrir ofan.