Dagur Dan Þórhallsson.
Dagur hefur það á ferilskránni að hafa skorað gegn Messi.
Dagur Dan Þórhallsson var kallaður inn í íslenska landsliðshópinn og spilaði hálftíma í 3-1 sigrinum gegn Skotlandi á Hampden Park. Dagur viðurkennir að hann hafi ekki búist við þetta góðum spiltíma í leiknum.
„Ég fékk óvæntan hálftíma myndi ég segja. Ég var þannig séð ekki að búast við því en ótrúlega gaman og sigur. Það er bara geðveikt. Það er geggjað að fá að koma og að spila," segir Dagur. Hann telur að hann henti vel í það kerfi og hugmyndafræði sem Arnar Gunnlaugsson landsliðsþjálfari er að innleiða.
„Við spilum þetta leikkerfi svoldið mikið í Orlando nema við speglum þetta. Ég fer mikið upp sem hægri bakvörður þar en í þessu eru ég og Gulli meira að halda. Ég elska svona fótbolta. Þetta er flæðandi fótbolti þar sem þú færð að gera þitt en inni í ákveðnum strúktúr. Ég myndi segja að ég kunni þetta leikkerfi út og inn og þetta er geggjað fyrir mig."
„Ég fékk óvæntan hálftíma myndi ég segja. Ég var þannig séð ekki að búast við því en ótrúlega gaman og sigur. Það er bara geðveikt. Það er geggjað að fá að koma og að spila," segir Dagur. Hann telur að hann henti vel í það kerfi og hugmyndafræði sem Arnar Gunnlaugsson landsliðsþjálfari er að innleiða.
„Við spilum þetta leikkerfi svoldið mikið í Orlando nema við speglum þetta. Ég fer mikið upp sem hægri bakvörður þar en í þessu eru ég og Gulli meira að halda. Ég elska svona fótbolta. Þetta er flæðandi fótbolti þar sem þú færð að gera þitt en inni í ákveðnum strúktúr. Ég myndi segja að ég kunni þetta leikkerfi út og inn og þetta er geggjað fyrir mig."
Yrði gott veganesti
Á þriðjudagskvöld leikur Ísland við Norður-Írland í Belfast og það hefur verið rætt innan hópsins að sex ár eru síðan Ísland vann tvo leiki innan sama landsleikjaglugga.
„Við ætlum að pressa á þá, vinna boltann ofarlega, skora nokkur mörk og það væri flott að ná að halda hreinu. Það yrði gott veganesti fyrir okkur inn í undankeppni HM," segir Dagur sem er í samkeppni um að taka þátt í þeirri undankeppni. Hann hefur aldrei leikið landsleik á Laugardalsvelli en vonast til að það breytist í haust.
Getur sagt börnum og barnabörnum frá því
Dagur spilar fyrir Orlando City í bandarísku MLS-deildinni en hann afrekaði það í síðasta mánuði að skora þriðja mark liðsins gegn stjörnum prýddu liði Inter Miami í 3-0 sigri. Sjálfur Lionel Messi leikur fyrir Inter Miami. Hvernig var tilfinningin að skora gegn honum?
„Hún var bara geggjuð. Ég er búinn að vera aðeins inn og út úr liðinu og í þessum leik kem ég inn á hægri kantinn. Við fáum færi í lokin og ég næ að koma mér í góða stöðu. Nú get ég alltaf sagt að ég hafi skorað á móti besta leikmanni allra tíma og það er geggjað. Þegar börn og barnabörn koma í heiminn getur maður sagt að Messi sé sá besti í sögunni og pabbi hafi skorað gegn honum," segir Dagur.
Hann lék sinn 100. leik fyrir Orlando City nýlega.
„Ég viðurkenni að þegar ég fór til Bandaríkjanna bjóst ég við að spila í eitt til tvö tímabil og fara svo til Evrópu. Það er ótrúlega næs og gott líf. Það er rólegt þarna og það er sól allan daginn. Manni klæjar að koma aftur til Evrópu en það yrði að vera mjög spennandi, England eða Þýskaland eða álíka," segir Dagur en í viðtalinu hér að ofan tjáir hann sig nánar um gengi liðsins í Bandaríkjunum.
