Hvað er á miðanum sem Arnar er alltaf með?

Fréttamaður Fótbolta.net var forvitinn um það hvað væri á þessum miða sem Arnar er alltaf með og ákvað að spyrja út í það á fréttamannafundi.

„Stundum ekki neitt," sagði Arnar og glotti.

„Þetta er bara miði sem ég nota til að punkta niður hjá mér á meðan leik stendur, ef eitthvað gerist. Ef það er einhver tímasetning þar sem eitthvað gerist, þá skrifa ég niður mínútuna og við getum kíkt á þá klippu í hálfleik."