Jack Grealish og Ollie Watkins.
Ollie Watkins hefur komið mjög öflugur inn í lið Aston Villa á þessu tímabili.
Watkins varð dýrastur í sögu Villa þegar hann var keyptur fyrir allt að 33 milljónir punda frá Brentford í sumar. Hann er búinn að skora sex mörk í sjö leikjum í Aston Villa sem hefur komið á óvart. Hann skoraði tvennu í 3-0 sigri Villa á Arsenal í kvöld.
Watkins varð dýrastur í sögu Villa þegar hann var keyptur fyrir allt að 33 milljónir punda frá Brentford í sumar. Hann er búinn að skora sex mörk í sjö leikjum í Aston Villa sem hefur komið á óvart. Hann skoraði tvennu í 3-0 sigri Villa á Arsenal í kvöld.
„Þetta eru góð þrjú stig gegn góðu liði," sagði þessi öflugi sóknarmaður eftir sigurinn á Arsenal.
Honum líkar lífið vel hjá sínu nýja félagi. „Ég elska að vera hérna. Það er auðvitað pressa þar sem ég er nýr leikmaður í liðinu og allir vilja að ég standi mig. Ég set bara hausinn niður og reyni að skora mörk."
„Þið hafið séð það í kvöld og gegn Liverpool, við erum frábært lið og getum unnið hvaða lið sem er."
Aston Villa er í sjötta sæti með 15 stig og Arsenal er í 11. sæti með 12 stig. Villa hefur leikið leik minna en Arsenal og gæti komist á toppinn með sigri í leiknum sem þeir eiga inni.
Athugasemdir
