Jóladagatalið: Hvernig er að ganga í Feneyjum?

Í jóladagatali dagsins lítum við ekki of langt aftur í baksýnisspegilinn. Viðtal dagsins er við landsliðsmanninn Mikael Egil Ellertsson og var það tekið upp fyrr á árinu.

Þá var Mikael leikmaður Venezia á Ítalíu og var spurður um hvernig væri að ganga í Feneyjum. Mikael var hissa á spurningu fréttamanns og spurði á móti: „Ganga? Bara inn í Feneyjum?“

Spyrillinn, Elvar Geir, leiðrétti þá spurninguna og spurði hvernig liðinu gengi og fékk réttara svar á móti.

Kristall Máni Ingason, leikmaður SönderjyskE og vinur Mikaels, greip viðtalið á lofti og birti myndskeið af því á X-síðu sinni.