Ásdís Karen á leið til Madrídar

Landsliðskonan Ásdís Karen Halldórsdóttir er á leið til Spánar þar sem hún gengur í raðir Madrid CFF. Þar verður hún liðsfélagi Hildar Antonsdóttur.

Orri Rafn Sigurðarson greinir frá þessu á samfélagsmiðlinum X.

Ásdís Karen, sem er 25 ára, er fyrrum leikmaður Vals en hún hefur leikið tvo landsleiki fyrir Ísland og spilaði í öðrum af æfingaleikjunum gegn Bandaríkjunum í október.

Madrid CFF var stofnað árið 2010 og leikur í spænsku úrvalsdeildinni. Liðið er í tíunda sæti deildarinnar en Barcelona trónir á toppnum og Real Madrid er í öðru sæti.