Þessi 45 ára stjóri tekur við Úlfunum af landa sínum Nuno Espirito Santo sem var fjögur ár í stjórastólnum á Molineux.

„Ég er ánægður, spenntur og með mikinn metnað fyrir því að gera frábæra hluti fyrir félagið," segir Lage.

„Þetta er stórt tækifæri. Ég er ánægður með að snúa aftur til Englands og verða stjóri hjá svona stóru félagi. Mitt markmið er að halda áfram með það sem Nuno hefur byggt upp og bæta enn frekar í."

Lage var rekinn frá Benfica sumarið 2020 þar sem annað tímabil hans við stjórnvölinn reyndist ekki eins gott og það fyrsta.