Fjórar umferðir eru eftir af ensku Championship deildinni og trónir Leeds í toppsætinu eftir lokaleik 42. umferðar.

Liðið sigraði Stoke, 5-0, á heimavelli og kom fyrsta mark leiksins úr vítaspyrnu undir lok fyrri hálfleiks. Helder Costa bætti við öðru markinu snemma í seinni hálfleik og þeir Liam Cooper og Pablo Hernandez skoruðu næstu tvö mörk. Það var svo Patrick Bamford sem skoraði fimmta mark Leeds í uppbótartíma.

Leeds hefur sex stiga forskot á Brentford í 3. sætinu þegar tólf stig eru í pottinum. Leeds þarf að fá sjö stig út úr síðustu fjórum leikjunum til að fara upp ef að Brentford, sem er á fljúgandi siglingu, misstígur sig ekki í síðustu leikjunum. WBA er í 2. sæti deildarinnar með stigi minna en Leeds.