Manchester United hefur lánað hollenska kantmanninn Tahith Chong til Birmingham fyrir næsta tímabil.
Chong er 21 árs gamall en hann var á láni hjá Werder Bremen í Þýskalandi og Club Brugge í Belgíu á síðustu leiktíð.
Á næsta tímabili mun hann spila á Englandi, en í Championship-deildinni.
„Ég er leikmaður sem vill taka aðra leikmenn á, ég vil rekja boltann og keyra á andstæðinginn. Ég er snöggur og mun reyna að koma með mína eiginleika inn í liðið," sagði Chong eftir að skiptin til Birmingham voru staðfest.
Það var áhugi á Hollendingnum utan Englands en United taldi að þróun hans yrði best á Englandi.
Athugasemdir