Oliver Heiðarsson.
Oliver Heiðarsson skoraði bæði mörk ÍBV sem vann dramatískan 2-1 sigur gegn Njarðvík í Þjóðhátíðarleik Lengjudeildarinnar síðasta laugardag.
Eyjamenn voru talsvert betri í leiknum en sigurmarkið kom í uppbótartíma og var vægast sagt kostulegt. Leikið var í vindi og við erfiðar aðstæður á Hásteinsvelli.
Eyjamenn voru talsvert betri í leiknum en sigurmarkið kom í uppbótartíma og var vægast sagt kostulegt. Leikið var í vindi og við erfiðar aðstæður á Hásteinsvelli.
„Svo bregðast krosstré sem önnur, Aron Snær Friðriksson markvörður Njarðvíkur er að sparka frá markinu og rennur einhvern veginn, Oliver er á miðjum vellinum og boltinn dettur á Oliver á miðjum vellinum sem skorar," segir Elvar Geir í Innkastinu.
„Ég skil ekki af hverju þetta mark hefur ekki farið víðar á internetinu. Þetta er eitt skrítnasta mark sem ég hef séð. Oliver skýtur ekki einu sinni á markið. Boltinn fer í hann einhvern veginn," segir Valur Gunnarsson í þættinum en boltinn endaði í stönginni og inn.
ÍBV er í öðru sæti Lengjudeildarinnar en liðið mætir Fjölni í toppslag í Grafarvoginum í kvöld.
Sigurmark Olivers í Þjóðhátíðarleiknum???? #islenskurfotbolti pic.twitter.com/r7VEGsDZOq
— Íslenskur Fótbolti (@islenskurf) August 8, 2024
Athugasemdir
