Útskýrir af hverju varamarkvörður Blika kom inn á sem útileikmaður

Spilað var í Kasakstan og voru Blikar ansi þunnskipaðir. Þrjár eru óléttar og sú staðreynd auk meiðsla varð til þess að einungis 16 leikmenn fóru í ferðina þar sem ljóst var að Blikar myndu spila tvo leiki, annan á þriðjudag og seinni á föstudag.

Eftir komu til Kasakstans komu upp veikindi í híopnum og ræddi Ian jeffs, þjálfari Breiðabliks, við Taylor að hún yrði að vera til taks sem útileikmaður í seinni leiknum. Í ofan á lag var ansi heitt og tók á að spila leikina.

Jeffsy ræddi við Vísi á föstudag.

„Vegna þess við vorum með 16 leikmenn vissum við alveg þegar við komum í þetta verkefni að við gætum lent í því að setja markmann inn sem útileikmann. Við tókum spjall við Taylor í gærkvöldi (fimmtudagskvöld) og hún tók vel í það að vera til taks ef þyrfti. Ég var nokkuð viss um að hún þyrfti að gera það og það varð niðurstaðan, vegna þess að leikmenn voru bara búnir á því,“ sagði Jeffs við Vísi.

Blikar töpuðu gegn Aktobe í vítaspyrnukeppni en sigruðu Dinamo og fara því í Evrópubikarinn. Agla María Albertsdóttir var önnur þeirra sem glímdi við veikindi en fyrirliðinn kom inn á gegn Dinamo og skoraði markið sem kom Blikum í framlengingu og svo sigurmarkið í framlengingunni sjálfri.

Taylor er bandarískur markvörður sem stóð vaktina í þremur síðustu deildarleikjunum fyrir Meistaradeildarleikina tvo. Herdís Halla Guðbjartsdóttir varði mark Blika gegn Aktobe og Dinamo.