Mesut Özil, leikmaður Arsenal, segist vera í góðu standi og er reiðubúinn að spila gegn Fulham um næstu helgi.
Özil er sterklega orðaður við brottför þessa dagana en hann er ekki fyrsti maður á blað hjá Mikel Arteta, stjóra liðsins.
Seinni part síðustu leiktíðar þá fékk Özil mjög takmarkað að spila og var búist við að hann myndi kveðja í sumar.
Eins og staðan er þá er Özil leikmaður Arsenal sem hefur leik gegn Fulham í deildinni klukkan 11:30 á laugardag.
„Ég er í standi, tilbúinn og geri mitt besta. Því miður er það ekki undir mér komið að velja hópinn um helgina. Við sjáum til," sagði Özil á Twitter síðu sinni.
Það verður fróðlegt að sjá hvort miðjumaðurinn verði í hópnum um næstu helgi.
Athugasemdir