Championship: WBA á toppinn

Aune Heggebö skoraði sigurmark WBA

Mynd: WBA

Aune Heggebö skoraði sigurmark WBA

Mynd: WBA

Norwich City og West Bromwich Albion unnu annan leikinn í röð í ensku B-deildinni í kvöld.

Aune Heggebö skoraði eina mark leiksins þegar WBA vann 1-0 sigur á Derby County. Hann skoraði af stuttu færi á 16. mínútu eftir sendingu frá vinstri úr teignum.

WBA þurfti að leika manni færri frá 34. mínútu þegar Brayann Pereira fékk sitt annað gula spjald og þar með rautt fyrir heimskulegt brot úti á kanti.

Tíu leikmenn WBA héldu þó út og fögnuðu öðrum sigrinum í röð. Liðið fór um leið á toppinn með 13 stig eftir sex leiki en Derby er í 22. sæti með fjögur stig.

Norwich vann 2-1 sigur á Birmingham. Oscar Schwartau kom liðinu yfir á 28. mínútu með þrumuskoti utan teigs sem söng í hægra horninu. Ellefu mínútum síðar tvöfaldaði Papa Diallo forystuna af stuttu færi eftir laglegan undirbúning Andre Brooks.

Carles Vicente hleypti spennu í leikinn á 64. mínútu þegar hann fékk frábæra sendingu inn á miðjan teiginn og skoraði. Birmingham fann hins vegar ekki jöfnunarmarkið og Norwich landaði sigrinum.

Norwich er í 9. sæti með níu stig en Birmingham í því fimmtánda með sjö stig.

Derby County 0 - 1 West Brom
0-1 Aune Heggebo ('16 )
Rautt spjald: Brayann Pereira, West Brom ('34)

Norwich 2 - 1 Birmingham
1-0 Oscar Schwartau ('28 )
2-0 Papa Amadou Diallo ('39 )
2-1 Carlos Vicente ('64 )

Stöðutafla

#	Lið	L	mun	Stig
1	West Brom	6	+3	13
2	West Ham	6	+5	11
3	Swansea	6	+4	11
4	QPR	6	+3	11
5	Charlton Athletic	6	-1	11
6	Middlesbrough	5	+3	10
7	Bristol City	5	+2	10
8	Millwall	5	+2	9
9	Norwich	6	+1	9
10	Sheffield Utd	6	0	9
11	Wolves	5	+3	8
12	Watford	6	-1	8
13	Southampton	6	+7	7
14	Wrexham	6	+2	7
15	Birmingham	6	0	7
16	Stoke City	6	-1	7
17	Portsmouth	5	-1	6
18	Blackburn	6	-2	5
19	Lincoln City	5	-2	5
20	Cardiff City	6	-3	4
21	Derby County	6	-6	4
22	Bolton	6	-6	4
23	Burnley	6	-6	3
24	Preston NE	6	-6	3