Baker er 23 ára gamall miðjumaður og var á láni hjá Leeds fyrri hluta tímabilsins en hann fékk þó lítið að spila undir stjórn Marcelo Bielsa og ákvað Chelsea því að kalla hann til baka.

Miðjumaðurinn knái er með mikla reynslu og hefur meðal annars spilað fyrir U21 árs landslið Englands.

Hann er nú kominn til Reading og spilar þar út tímabilið en Jose Gomes tók við liðinu á dögunum.

Joel Pereira, markvörður Manchester United, gæti þá einnig verið á leið til Reading en United kallaði hann til baka frá Portúgal þar sem hann lék með Vitoria Setubal.

Íslenski landsliðsmaðurinn Jón Daði Böðvarsson leikur með Reading.