Fotbolti.net
17.11.26 - 08:30
Brynjar Ingi Erluson
Ítalska deildin

Sjáðu helstu tilþrif Ronaldinho með Ravenna - „Tók nokkurra ára hvíld en er mættur aftur!“

Sjáðu helstu tilþrif Ronaldinho með Ravenna - „Tók nokkurra ára hvíld en er mættur aftur!“
Canon

Mynd: EPA

Ronaldinho, einn besti fótboltamaður sögunnar, sneri aftur á völlinn eftir ellefu ára fjarveru þegar Ravenna vann 2-0 sigur á nágrönnum sínum í Forli í ítölsku C-deildinni á sunnudag.
Ronaldinho stóð sig vel í sigri
TENGT EFNI

Ronaldinho stóð sig vel í sigri

Það var mikil eftirvænting fyrir endurkomu Ronaldinho og vissu fæstir við hverju væri að búast, enda Brasilíumaðurinn orðinn 46 ára og hafði ekki leikið á atvinnumannastigi í ellefu ár.

Hann er vissulega ekki sami leikmaður og áður, pressaði lítið og hljóp ekki mikið, en gæðin eru enn til staðar.

Ronaldinho átti þátt í fyrra marki Ravenna áður en hann fór af velli í hálfleik. Eftir leikinn var hann í skýjunum með endurkomuna og sagði það ógleymanlega upplifun að stíga aftur inn á völlinn.

„Ég er svo ánægður með að vera kominn aftur og fá að spila keppnisleik. Ég tók mér nokkurra ára hvíld en nú er kominn tími til að snúa aftur, hahaha. Öllu gríni slepptu var þetta yndisleg upplifun á frábærum degi með liðsfélögunum og fullum leikvangi.“

„Þetta var klárlega mjög sérstakt augnablik í lífi mínu og þið vitið hversu mikið ég elska að ögra sjálfum mér og gera hluti sem enginn eða mjög fáir hafa gert áður. Adrenalínið, lyktin af vellinum og tilfinningin að sparka aftur í boltann er eitthvað alveg sérstakt.“

„Ég vil þakka vinum mínum Lorenzio, Ignacio og Giuseppe Ciprini, ásamt öllu liðinu. Takk fyrir að hafa trú á þessum draumi. Við ætlum að halda áfram að vinna að því að taka yfir Ítalíu og heiminn.“

„Ég er viss um að við séum á réttri leið. Ég vil líka þakka stuðningsmönnunum fyrir ógleymanlegt kvöld, sérstaklega þeim sem komu langt að til að styðja mig og sjá fallegan fótboltaleik. Við erum staðráðnir í að komast upp um deild. Sjáumst bráðlega aftur, fjölskylda,“
skrifaði Ronaldinho á Instagram.

Hér fyrir neðan má sjá helstu tilþrif Ronaldinho í leiknum.

Sjáðu helstu tilþrif Ronaldinho með Ravenna - „Tók nokkurra ára hvíld en er mættur aftur!“
Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.