Mykhaylo Mudryk er farinn til Tyrklands í æfingaferð með liði sínu, Shakhtar Donetsk frá Úkraínu.
Mudryk flaug ásamt liðsfélögum sínum til Antalya í Tyrklandi fyrr í dag þar sem liðið verður í æfingaferð til þess að undirbúa sig fyrir seinni hluta tímabilsins.
Mudryk, sem er 22 ára kantmaður, hefur verið sterklega orðaður við Arsenal síðustu daga en viðræðurnar ganga hægt.
Á meðan viðræðurnar ganga hægt þá getur hann lítið annað gert en að einbeita sér að Shakhtar.
Mudryk hefur vakið athygli á þessari leiktíð, bæði í úkraínsku úrvalsdeildinni og í Meistaradeildinni. Shakhtar er að biðja um 100 milljónir evra fyrir hann.
Athugasemdir