Vignir Snær skrifaði undir tveggja ára samning við Ólsara með samkomulagi um að hann yrði lánaður út fyrra árið.

Vignir er fæddur 1996 og kom feykilega sterkur inn í lið Ólafsvíkur síðasta sumar og var valinn bæði knattspyrnumaður og íþróttamaður ársins hjá HSH í fyrra.

„Við óskum Vigni góðs gengis í Noregi og hlökkum til að sjá hann aftur í Víkingstreyjunni að ári," segir í færslu frá Ólsurum á Facebook.

Jón Páll Pálmason, fyrrverandi þjálfari kvennaliðs Fylkis og karlaliðs Hattar, er við stjórnvölinn hjá Stord sem leikur í norsku D-deildinni.