Þurfa meiri tíma til að ganga frá kaupum á Everton

Everton er í miklum fjárhagsörðugleikum þar sem félagið er að byggja nýjan leikvang og þurfa 777 Partners að verða sér úti um hundruði milljóna punda til að ganga frá eigendaskiptunum.

Sky News greinir frá því að stjórnendur 777 Partners búist við því að ljúka fjáröflun sinni á næstu vikum og munu eigendaskiptin þá geta gengið í gegn í lok maí.

Það eru þó spurningarmerki á lofti um hvort þau áform gangi upp, þar sem fjárfestingarfyrirtækið skuldar háar upphæðir í lán og hefur verið gagnrýnt fyrir bága fjárhagsstöðu annarra íþróttafélaga í sinni eigu.