Gordon var aftur ónotaður varamaður

Gordon, 25 ára, missti af síðustu tveimur leikjunum í apríl vegna meiðsla en er núna búinn að vera ónotaður varamaður báða leikina í maí.

Gordon er sagður vera eftirsóttur af ýmsum stórveldum víða um Evrópu, þar á meðal er FC Bayern.

„Hann er nýkominn aftur úr meiðslum og ég er búinn að vera ánægður með frammistöðu byrjunarliðsins í síðustu leikjum. Ég sé enga þörf á því að gera breytingar á liðinu," svaraði Howe þegar hann var spurður út í bekkjarsetu Gordon.

Jamie O'Hara, fyrrum leikmaður Tottenham og núverandi fótboltasérfræðingur hjá Sky Sports, telur þetta vera skýrt merki um að Gordon verði seldur í sumar.

„Hann fer í sumar ef Howe notar hann ekki. Mér líkar vel við Gordon sem leikmann en það er eitthvað skrýtið í gangi. Ef Howe notar hann ekki á þessum tímapunkti tímabilsins finnst mér líklegt að leikmaðurinn verði seldur," segir O'Hara.

Newcastle siglir lygnan sjó í neðri hluta úrvalsdeildarinnar eftir mikið vonbrigðatímabil.

„Þeir eru ekki nógu góðir. Eddie Howe þarf að skoða hópinn og spyrja sig hvort hann sé búinn að ná því besta úr leikmönnunum sem hann hefur til umráða.

„Leikmenn Newcastle voru ekki góðir í dag. (Yoane) Wissa var aftur mjög slakur og (Nick) Woltemade gerði í raun ekki neitt."

TENGT EFNI08.05.26 - 12:09

Með hausinn á Newcastle þrátt fyrir áhuga Bayern