Úkraínska stórveldið Shakhtar Donetsk hefur fest kaup á brasilíska leikmanninum Pedrinho frá Benfica.
Pedrinho er 23 ára gamall sóknarsinnaður miðjumaður en hann gekk til liðs við Benfica frá Corinthians á síðasta ári.
Hann náði ekki að finna sig hjá Benfica á leiktíðinni sem var að klárast og ákvað portúgalska félagið því að losa sig við hann.
Shakhtar hefur nú gengið frá kaupum á honum en félagið borgar 18 milljónir evra fyrir hann.
Pedrinho á 14 leiki að baki fyrir U23 ára lið Brasilíu og hefur hann skorað 3 mörk.
Athugasemdir