David Wagner, fyrrum stjóri Huddersfield, er mættur til Sviss og er nýr þjálfari Young Boys þar í landi.
Þessar nokkuð óvæntu fréttir voru staðfestar í dag en Wagner var talinn líklegastur til að taka við West Bromwich Albion.
Viðræður við West Brom sigldu hins vegar í strand og er Chris Wilder að taka við keflinu á Hawthorns.
Wagner gerði góða hluti með Huddersfield frá 2015 til 2019 og fór þaðan til Schalke í Þýskalandi.
Gengið var ekki nógu gott í heimalandinu og eftir 18 leiki án sigurs var Wagner rekinn þann 27. september í fyrra.
Nú mun Wagner reyna fyrir sér í Sviss en Young Boys varð meistari þar í landi á síðustu leiktíð.
Athugasemdir