Duggan er 29 ára gömul og á að baki 76 A-landsleiki fyrir England. Í þeim hefur hún skorað 22 mörk.

Hún hóf feril sinn með Everton en fór árið 2013 til Manchester City þar sem hún var í fjögur ár. Svo hélt hún til Spánar og spilaði með bæði Barcelona og Atletico Madrid.

„Það er gott að vera komin aftur heim," segir Duggan en hún ætlar að reyna að hjálpa Everton að komast aftur í Meistaradeildina.

Everton hafnaði í fimmta sæti ensku úrvalsdeildarinnar á síðasta tímabili.