Valur 2 - 1 HK
1-0 Kaj Leo í Bartalsstovu ('5 )
1-1 Bjarni Gunnarsson ('88 )
2-1 Sigurður Egill Lárusson ('102 )
Lestu nánar um leikinn
1-0 Kaj Leo í Bartalsstovu ('5 )
1-1 Bjarni Gunnarsson ('88 )
2-1 Sigurður Egill Lárusson ('102 )
Lestu nánar um leikinn
Valur varð síðasta liðið til að tryggja sig inn í undanúrslit Mjólkurbikars karla eftir sigur gegn HK í framlengdum leik að Hlíðarenda.
FH, KR, ÍBV og Valur verða í pottinum þegar dregið verður í undanúrslitin eftir skamma stund.
Eftir aðeins mínútna leik skoraði Kaj Leo í Bartalsstovu fyrsta mark leiksins. Þegar líða fór á seinni hálfleikinn fóru HK-ingar að hóta því að jafna og þá sérstaklega fyrrum Valsarinn Birnir Snær Ingason. Staðan að loknum fyrri hálfleik var hins vegar 1-0 fyrir Val.
Staðan var 1-0 alveg fram á 88. mínútu en þá jafnaði Bjarni Gunnarsson fyrir HK. „Seyðkarlinn með frábæra sendingu inn á teiginn og Bjarni með frábæran skalla, varamennirnir að bjarga gestunum," skrifaði Baldvin Már Borgarsson í beinni textalýsingu.
Það þurfti að framlengja og í framlengingunni voru heimamenn öflugri. Á 102. mínútu skoraði Sigurður Egill Lárusson það sem reyndist vera sigurmarkið þegar hann slapp í gegn eftir að Birkir Már Sævarsson vann skallaeinvígi.
HK fengu færi til að jafna en Hannes Þór Halldórsson var öflugur í marki Vals og hélt hreinu í framlengingunni. Bjarni Gunnars fékk kjörið tækifæri til að jafna á síðustu stundu en skaut fram hjá markinu.
Lokatölur 2-1 fyrir topplið Pepsi Max-deildarinnar sem er komið í undanúrslit Mjólkurbikarsins.
Önnur úrslit:
Mjólkurbikarinn: FH fyrst til að vinna Stjörnuna í sumar
Mjólkurbikarinn: Bikar-Ægir sá um Breiðablik
Athugasemdir