FH 3 - 0 Stjarnan
1-0 Steven Lennon ('24 )
2-0 Ólafur Karl Finsen ('45 )
3-0 Þórir Jóhann Helgason ('57 )
Lestu nánar um leikinn
1-0 Steven Lennon ('24 )
2-0 Ólafur Karl Finsen ('45 )
3-0 Þórir Jóhann Helgason ('57 )
Lestu nánar um leikinn
Stjarnan tapaði sínum fyrsta leik í sumar þegar liðið heimsótti FH í 8-liða úrslitum Mjólkurbikars karla.
Stjarnan byrjaði nokkuð vel í Kaplakrika en það var FH sem tók forystuna á 24. mínútu þegar Steven Lennon skoraði eftir sendingu frá Þóri Jóhanni Helgasyni.
Hilmar Árni Halldórsson átti aukaspyrnu sem hafnaði í stönginni stuttu áður en FH komst í 2-0 undir lok fyrri hálfleiks. Þá skoraði Ólafur Karl Finsen gegn sínum gömlu félögum á vellinum sem hann tryggði Stjörnunni Íslandsmeistaratitilinn 2014. Hann skoraði eftir góðan undirbúning frá Herði Inga Gunnarssyni og Birni Daníel Sverrissyni.
Staðan var 2-0 í hálfleik og snemma í seinni hálfleik gerði Þórir Jóhann út um leikinn með þriðja marki FH beint úr aukaspyrnu. „Þórir Jóhann tekur spyrnuna sjálfur og neglir honum lágt í hornið. Brekkan orðin ansi brött fyrir Stjörnumenn," skrifaði Kristófer Jónsson í beinni textalýsingu.
Stjarnan komst ekki upp þá brekku, ekki nálægt því, og lokatölur 3-0 fyrir FH sem er komið í undanúrslit Mjólkurbikarsins ásamt ÍBV. Undanúrslitin klárast svo í kvöld.
Leikir kvöldsins:
19:15 Valur - HK
19:15 Breiðablik - KR
Athugasemdir