Mohammed Bin Salman, krónprinsinn í Sádi-Arabíu, fór fyrir fjárfestingahópi sem keypti Newcastle af Mike Ashley á dögunum fyrir 300 milljónir punda.

Newcastle mun hafa nóg á milli handanna og ætlar að styrkja hópinn í janúar en fjórir leikmenn Man Utd eru á listanum.

Það eru þeir Donny van de Beek, Eric Bailly, Anthony Martial og Jesse Lingard.

Allt eru þetta leikmenn sem eiga ekki fast sæti í liði United. Van de Beek og Eric Bailly eru neðarlega í goggunarröðinni á meðan þeir Martial og Lingard hafa gegnt aukahlutverki í liðinu.

Newcastle mun losa sig við Steve Bruce, knattspyrnustjóra félagsins, á næstu dögum og hafa margir stjórar verið orðaðir við stöðuna, þar á meðal Antonio Conte.