Brad Friedel meðal nýrra eigenda Shrewsbury

Friedel mun starfa sem yfirmaður fótboltamála hjá Shrewsbury, sem er í neðri hlutanum í League Two með 18 stig eftir 14 umferðir.

Fjárfestahópurinn kaupir 87,4% hlut í Shrewsbury og fær Roland Wycherley loksins að setjast í helgan stein eftir 30 ár sem forseti félagsins, en hann er 85 ára gamall. Wycherley hefur reynt að selja félagið síðastliðin fimm ár án árangurs. Hann er fæddur í Shrewsbury og var stuðningsmaður félagsins alla sína ævi, svo hann vildi alls ekki selja félagið til rangra eigenda.

Friedel er 55 ára Bandaríkjamaður sem lék fyrir Liverpool, Blackburn, Aston Villa og Tottenham á tæpum 20 ára ferli í ensku úrvalsdeildinni.