10.12.22 - 07:00
Jóhann Þór Hólmgrímsson
Modric: Viss um að Rodrygo verði sterkari eftir þetta
Mynd: Getty Images
Mynd: Getty Images
Króatía sló Brasilíu úr leik á HM eftir sigur í vítaspyrnukeppni.
Staðan var markalaus eftir venjulegan leiktíma en Neymar kom Brasilíu yfir í framlengingunni en Bruno Petkovic jafnaði metin og tryggði Króatíu í vítaspyrnukeppni.
Rodrygo leikmaður Real Madrid klikkaði á fyrstu vítaspyrnu Brasilíu en úrslitin réðust þegar Marquinhos klikkaði á fjórðu spyrnu liðsins.
Luka Modric fyrirliði Króatíu og leikmaður Real Madrid hughreysti Rodrygo eftir leikinn og tjáði sig um hann í viðtali.
„Ég er viss um að Rodrygo verði sterkari eftir þetta. Það gerðist ekkert, við dettum öll," sagði Modric.
