Erling Braut Haaland missti af 1-2 sigri Manchester City gegn Luton Town í ensku úrvalsdeildinni í dag eftir að hafa bæst við meiðslalistann, sem inniheldur einnig Jeremy Doku og Kevin De Bruyne.
Pep Guardiola, stjóri Man City, segir að Haaland sé ekki fótbrotinn og vonast til að fá norsku markavélina aftur í tæka tíð fyrir leik gegn Crystal Palace um næstu helgi, eða í versta falli fyrir undanúrslitaleik HM félagsliða 19. desember. Þar mun enska stórveldið annað hvort mæta Club León frá Mexíkó eða Urawa Red Diamonds frá Japan.
Haaland virðist því missa af næsta leik City í riðlakeppni Meistaradeildarinnar, gegn Rauðu stjörnunni, en hann mun reyna að vera kominn aftur í tæka tíð fyrir heimaleikinn gegn Palace.
„Við verðum að sjá hvernig þessi meiðsli þróast frá degi til dags. Sumir dagar eru verri en aðrir. Þetta er ekki beinbrot og ég vona til að hann nái bata fyrir leikinn gegn Crystal Palace. Ef ekki þá vonast ég til að fá hann fyrir ferðina til Sádí-Arabíu," sagði Guardiola á fréttamannafundi í dag.
Haaland er kominn með 14 mörk og 4 stoðsendingar í 15 úrvalsdeildarleikjum það sem af er tímabils, auk þess að vera búinn að skora 5 sinnum og leggja eitt upp í 5 leikjum í riðlakeppni Meistaradeildarinnar.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Brentford | 37 | 14 | 10 | 13 | 54 | 51 | +3 | 52 |
| 9 | Sunderland | 37 | 13 | 12 | 12 | 40 | 47 | -7 | 51 |
| 10 | Chelsea | 36 | 13 | 10 | 13 | 55 | 49 | +6 | 49 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
