Birmingham og Wrexham komin í sextán liða úrslit - Jón Daði spilaði

Alfons Sampsted og Willum Þór Willumsson voru ekki með Birmingham sem vann 2-1 sigur á Exeter á útivelli.

Það hafa verið veikindi að ganga í hópnum hjá Birmingham og hefur Willum misst af síðustu tveimur leikjum vegna þeirra. Alfons hefur á meðan verið að glíma við meiðsli.

Jón Daði Böðvarsson var í byrjunarliði Wrexham sem lagði Crewe Alexandra að velli, 1-0.

Hann spilaði rúman klukkutíma en þetta var sjötti leikur hans fyrir félagið.

Dregið verður í 16-liða úrslit á laugardag og er drátturinn í beinni útsendingu á Sky Sports Football.