Manolo Gabbiadini er genginn til liðs við Sampdoria á Ítalíu frá Southampton. Kaupverðið er ekki gefið upp.
Gabbiadini er 27 ára gamall og tókst að heilla fyrstu vikurnar á Englandi en hann skoraði þá fjögur mörk í sex leikjum.
Hann endaði þó með aðeins 5 mörk í 33 leikjum það tímabilið og þá hefur hann aðeins skorað eitt mark á þessari leiktíð.
Gabbiadini hefur verið orðaður burt frá félaginu síðan í desember en til að byrja með ætlaði Sampdoria einungis að fá kappan á láni, það hefur breyst því að félagið hefur nú fest kaup á leikmanninum.
„Við viljum þakka Manolo fyrir tímann hjá okkur og við óskum honum alls hins besta í framtíðinni," segir í tilkynningu frá Southampton.
📄 Bentornato #Gabbiadini: arriva dal @SouthamptonFC a titolo definitivo ➡ https://t.co/CXxb2kHNpH pic.twitter.com/QLtZwqNwZs
— U.C. Sampdoria (@sampdoria) January 11, 2019
Athugasemdir
