Villa-menn hafa verið á miklu flugi á þessu tímabili og að spila einn skemmtilegasta bolta deildarinnar.

Liðið gerði það í kvöld en nýtti ekki færi sín. Andre´Onana var þeim erfiður í marki United, en Emery var samt sem áður ánægður með framlagið.

„Við áttum meira skilið úr þessum leik. Við plönuðum leikinn eftir því hvernig við gátum verið sterkari, reynt að stjórna leiknum og hvernig við gátum unnið og mér fannst við gera það. Við vorum ekki nógu klínískir í dag og markvörður þeirra átti nokkrar góðar vörslur. Þeir voru klínískir.“

„Við þurftum að endurræsa leik okkar og vorum auðvitað pirraðir en við verðum að halda áfram að vera jákvæðir. Manchester United á að vera berjast um að vera á þeim stað sem við erum á, alla vega frekar en við, en samt er smá bil á milli okkar. Hugarfarslega þurfum við að vera sterkir og ekki missa einbeitingu og frekar hugsa hvernig við getum byggt liðið og gert okkur sterkari. Frammistaðan í dag er nákvæmlega það sem við erum að reyna að byggja.“

„Við erum núna í fimmta sæti deildarinnar. Við þurfum í augnablikinu að minna okkur á það, vera jákvæðir og reyna að ná endurheimt á næstu dögum áður en við mætum Fulham. Við töpuðum fyrir góðum mótherja í dag en við höfum náð að skapa smá bil á milli og nú er okkar markmið að reyna að halda samræmi út tímabilið,“ sagði Emery