Fótbolti.net greindi frá því í vikunni að hann væri á leið í herbúðir sænska félagsins.

„Ég hef bara heyrt góða hluti um félagið og borgina. Íslenskum leikmönnum hefur vegnað vel hérna og ég vona að ég muni einnig gera það," segir Böðvar.

Helsingborg leikur í sænsku B-deildinni en Brandur Olsen, fyrrum miðjumaður FH, er á mála hjá félaginu.

„Markmiðið er að fara með liðinu upp í efstu deild, spila marga leiki og hjálpa liðinu. Ég hlakka til að koma til Svíþjóðar."

Helsingborg hefur verið í leit að vinstri bakverði en nú er þeirri leit lokið. Böðvar mætir til æfinga hjá liðinu í næstu viku.