Diljá Ýr Zomers er gengin í raðir Häcken í sænsku úrvalsdeildinni. Hún hefur fengið félagsskipti frá Val.
Häcken er í raun ríkjandi meistari þar sem Kopparbergs/Gautaborg breyttist í Häcken eftir síðasta tímabil. Kopparbergs/Gautaborg, sem varð meistari í fyrra, var í fjárhagserfiðleikum en Häcken rétti fram hjálparhönd og leika ríkjandi meistararnir því nú undir nafni Häcken.
Häcken er í raun ríkjandi meistari þar sem Kopparbergs/Gautaborg breyttist í Häcken eftir síðasta tímabil. Kopparbergs/Gautaborg, sem varð meistari í fyrra, var í fjárhagserfiðleikum en Häcken rétti fram hjálparhönd og leika ríkjandi meistararnir því nú undir nafni Häcken.
Diljá er sóknarkona og hefur hún leikið með FH og Stjörnunni ásamt Val á sínum ferli.
Fótbolti.net greindi frá því í febrúar að Diljá væri til reynslu hjá sænska félaginu.
Mbl.is kveðst hafa heimildir um að Valur og Häcken séu nú í viðræðum hvort um kaup eða lán sé að ræða en miðað við núverandi stöðu félagaskiptanna á vef KSÍ er um kaup að ræða.
Diljá er nítján ára gömul og er hún annar leikmaðurinn til að ganga í raðir Häcken frá Val í vetur því í desember gekk Valgeir Lunddal Friðriksson í raðir félagsins.
Athugasemdir