„Eru þetta mikil gleðitíðindi enda styttist óðfluga í mót," segir í tilkynningu Einherja.

Helgi er á 22. aldursári og kemur til Einherja á láni frá Fjölni. Á síðasta tímabili lék hann með Magna Grenivík og spilaði alla leiki liðsins það sumar. Auk þess að spila með Magna á Helgi sex leiki að baki með Fjölni og 21 með Vængjum Júpíters. Helgi er miðjumaður en getur leyst flestar aðrar stöður á vellinum.

„Ég er virkilega spenntur fyrir komandi sumri, að þjálfa og leika fyrir Einherja. Þetta er stórt félag með mikla sögu. Ég mun leggja mig allan fram til þess að sumarið verði sem skemmilegast og eftirminnilegast. Áfram Einherji!" segir Helgi.