Fotbolti.net
11.05.22 - 11:07
Elvar Geir Magnússon

Man City og Liverpool gætu þurft að leika úrslitaleik um titilinn

Staðan í ensku úrvalsdeildinni.

Staðan í ensku úrvalsdeildinni.

Canon

Mynd: BBC

Umspilsleikur til að ákveða Englandsmeistara? Fjarlægur möguleiki, en samt ekki eins fjarlægur og maður heldur...

Manchester City er öruggt með Englandsmeistaratitilinn ef liðið fær sjö stig úr síðustu þremur leikjum sínum, liðið mætir Wolves í kvöld, en það er enn möguleiki á að leika þurfi úrslitaleik um titilinn.
BBC fjallar um það að samkvæmt reglugerð deildarinnar þá verður leikinn hreinn úrslitaleikur til að ákveða meistara ef liðin eru jöfn að stigum, markatölu, skoruðum mörkum og innbyrðis viðureignum.

Báðir innbyrðis leikir liðanna enduðu 2-2 svo það er hnífjafnt þar.

Einn tapleikur hjá Manchester City gerir það að verkum að Liverpool jafnar þá að stigum ef þeir vinna sína síðustu leiki og City vinnur hina tvo.

Raunhæfur möguleiki, förum þá í markatöluna...

Ef Liverpool fær þremur stigum meira en City í leikjunum sem eru eftir þá ræðst titillinn á markatölu. City hefur skorað þremur mörkum meira. En ef Liverpool vinnur það upp þá ræðst titillinn á mörkum skoruðum og bæði lið hafa sem stendur skorað 89 mörk.

Ef allt er hnífjafnt þá verður leikinn úrslitaleikur.

Ekki er vitað á hvaða degi sá leikur myndi fara fram en þar sem landsleikjagluggi verður í byrjun júní er líklegast að spilað yrði 25. maí, þremur dögum áður en Liverpool mætir Real Madrid í úrslitaleik Meistaradeildarinnar.

Lokaleikir Liverpool og Man City í deildinni
11. maí: Wolves - Man City
15. maí: West Ham - Man City
17. maí: Southampton - Liverpool
22. maí: Man City - Aston Villa
22. maí: Liverpool - Wolves

Heimild: BBC

Jurgen Klopp og Pep Guardiola.

Jurgen Klopp og Pep Guardiola.

Canon

Mynd: EPA

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.