Slæm veðurspá í Eyjum - ÍBV og Grótta víxla á heimaleikjum
Ekki hægt að spila á Hásteinsvelli vegna veðurs
Mynd: Fótbolti.net - Hafliði Breiðfjörð
Ekki hægt að spila á Hásteinsvelli vegna veðurs
Mynd: Fótbolti.net - Hafliði Breiðfjörð
ÍBV og Grótta hafa ákveðið að víxla á heimaleikjum en liðin áttu að mætast í Eyjum í 7. umferð Lengjudeildarinnar á fimmtudaginn.
Ákvörðunin hefur verið tekin þar sem spáð er slæmu veðri í Eyjum þennan dag. Leikurinn mun því fara fram á Vivaldivellinum á Seltjarnarnesi. klukkan 17:30 á fimmtudaginn.
Liðin mætast í seinni umferðinni þann 18. ágúst á Hásteinsvelli.
Grótta er í 3. sæti deildarinnar með tíu stig en ÍBV í 6. sæti með sjö stig. Grótta hefur gert fjögur jafntefli og ekki tapað neinum leik og er aðeins eitt af tveimur liðum sem er taplaust í deildinni ásamt toppliði Fjölnis.
