Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 11. júlí 2020 12:35
Guðmundur Aðalsteinn Ásgeirsson
Bale tilbúinn í sumarnæturnar á Íslandi
Gareth Bale.
Gareth Bale.
Mynd: Getty Images
Gareth Bale sat allan tímann á varamannabekknum í gær þegar Real Madrid vann 2-0 sigur á Alaves.

Bale hefur aðeins komið við sögu í 16 deildarleikjum á þessu tímabili og talað er um að félagið vilji selja hann í sumar.

Bale vakti athygli fyrir framgöngu sína á varamannabekknum í gær. Hann brosti þegar Zinedine Zidane, þjálfari Real, tók sína síðustu skiptingu og svo setti hann grímu yfir andlit sitt og virðist hafa tekið góðan lúr.

„Hann er tilbúinn fyrir sumarnæturnar á Íslandi," skrifar Gonzalo Zamorano við mynd af Bale á Twitter.

Real Madrid er með fjögurra stiga forskot á toppi spænsku úrvalsdeildarinnar þegar þrjár umferðir eru eftir.


Athugasemdir
banner
banner
banner