Barcelona er búið að ná samkomulagi við Getafe um sölu á leikmanninum Carles Alena.
Þetta staðfesti spænska félagið í gær en Alena skrifar undir fimm ára samning við Getafe. Hann lék þar í láni á síðustu leiktíð.
Þessi 23 ára gamli leikmaður hefur spilað 44 aðalliðsleiki fyrir Barcelona síðustu fimm ár og náði aldrei að stimpla sig almennilega inn.
Barcelona er þó með kauprétt á leikmanninum og má kaupa hann til baka í framtíðinni fyrst af öllum félögum.
Barcelona reynir nú að safna fyrir því að geta boðið Lionel Messi nýjan risasamning á Nou Camp.
Athugasemdir