11.08.22 - 19:17
Ívan Guðjón Baldursson
Alex Smithies fyrstur til Leicester í sumar
Mynd: Getty Images
Mynd: Getty Images
Fabrizio Romano greinir frá því að markvörðurinn Alex Smithies sé í þann mund að verða fyrsti leikmaðurinn til að ganga í raðir Leicester City á tímabilinu.
Smithies er 32 ára gamall og æfði með Bournemouth í júlí en hann býr yfir gríðarlega mikilli reynslu úr Championship deildinni þar sem hann á yfir 200 leiki að baki fyrir Huddersfield, QPR og Cardiff.
Leicester vantar markvörð eftir söluna á Kasper Schmeichel til Nice í Frakklandi og mun Smithies berjast við Danny Ward og Daniel Iversen um byrjunarliðssæti.
Ward er 29 ára gamall landsliðsmaður Wales á meðan Iversen er 25 ára gamall Dani sem hefur verið aðalmarkvörður Preston á lánssamningi síðustu 18 mánuði.
