11.08.26 - 22:40
Brynjar Ingi Erluson
Barcelona leggur fram nýtt tilboð í Rodri
Mynd: EPA
Mynd: EPA
Spánarmeistarar Barcelona undirbúa annað tilboð í Rodri, miðjumann Manchester City og spænska landsliðsins. Félagið vonast til að samkomulag náist á næstu dögum en þetta segir Paul Joyce hjá Times.
Man City hafnaði fyrsta tilboði Barcelona í Rodri upp á 38,5 milljónir punda á dögunum. Viðræður hafa þó gengið vel og Börsungar eru nú tilbúnir með nýtt og endurbætt tilboð.
Times segir Barcelona ætla að bjóða 51,3 milljónir punda fyrir Rodri auk árangurstengdra greiðslna.
Börsungar eru bjartsýnir á að geta gengið frá kaupunum á næstu dögum.
Rodri hefur gert Manchester City ljóst að hann ætli ekki að framlengja samning sinn sem rennur út næsta sumar.
Hinn þrítugi Rodri var valinn besti leikmaður heimsmeistaramótsins þegar Spánverjar lyftu bikarnum í sumar og hefur þá verið einn besti miðjumaður heims undanfarin ár.
Rodri vann þrennuna með Manchester City árið 2023 og varð Evrópumeistari með Spáni ári síðar sem skilaði honum Ballon d'Or verðlaununum eftirsóttu.
Times segir Barcelona ætla að bjóða 51,3 milljónir punda fyrir Rodri auk árangurstengdra greiðslna.
Börsungar eru bjartsýnir á að geta gengið frá kaupunum á næstu dögum.
Rodri hefur gert Manchester City ljóst að hann ætli ekki að framlengja samning sinn sem rennur út næsta sumar.
Hinn þrítugi Rodri var valinn besti leikmaður heimsmeistaramótsins þegar Spánverjar lyftu bikarnum í sumar og hefur þá verið einn besti miðjumaður heims undanfarin ár.
Rodri vann þrennuna með Manchester City árið 2023 og varð Evrópumeistari með Spáni ári síðar sem skilaði honum Ballon d'Or verðlaununum eftirsóttu.
