11.08.26 - 18:41
Brynjar Ingi Erluson
Mikael Neville og Tómas Óli ekki í Meistaradeildina
Mikael Neville kom við sögu í leiknum
Mynd: Fótbolti.net - Haukur Gunnarsson
Mikael Neville kom við sögu í leiknum
Mynd: Fótbolti.net - Haukur Gunnarsson
Danska félagið AGF er úr leik í forkeppni Meistaradeildar Evrópu eftir 4-0 skell gegn Sabah Baku frá Aserbaísjan í síðari leik liðanna í þriðju umferð forkeppninnar.
AGF vann fyrri leikinn gegn Sabah, 2-1, og fór því með ágætt veganesti inn í síðari viðureignina en þar gekk hinvegar fátt upp.
Sabah skoraði fjögur mörk á hálftíma í síðari hálfleik og flaug áfram á meðan AGF féll niður í umspil Evrópudeildarinnar.
Mikael Neville Anderson kom inn af bekknum hjá AGF en Tómas Óli Kristjánsson sat allan tímann á varamannabekknum.
Andstæðingur AGF í umspilinu verður að öllum líkindum portúgalska stórliðið Benfica sem vann Hearts, 6-1, í fyrri leik liðanna.
Það yrði gríðarlega erfitt verkefni fyrir AGF sem hefur þó að minnsta kosti tryggt sér sæti í deildarkeppni Sambandsdeildarinnar í vetur.
Sabah skoraði fjögur mörk á hálftíma í síðari hálfleik og flaug áfram á meðan AGF féll niður í umspil Evrópudeildarinnar.
Mikael Neville Anderson kom inn af bekknum hjá AGF en Tómas Óli Kristjánsson sat allan tímann á varamannabekknum.
Andstæðingur AGF í umspilinu verður að öllum líkindum portúgalska stórliðið Benfica sem vann Hearts, 6-1, í fyrri leik liðanna.
Það yrði gríðarlega erfitt verkefni fyrir AGF sem hefur þó að minnsta kosti tryggt sér sæti í deildarkeppni Sambandsdeildarinnar í vetur.
