Ármann Smári: Gjafapakki frá okkur til þeirra

„Við erum svosum ekkert farnir að spá neitt í Evrópusæti, við erum að reyna að ná okkar markmiðum, að gera betur en í fyrra. En þetta var náttúrulega bara skita hjá okkur frá A til Ö,\" sagði Ármann Smári við Fótbolta.net að leik loknum.

„Ég held við hefðum alveg getað skorað eitthvað af mörkum en þetta féll ekki í dag og þeir fengu einhver færi og skoruðu úr sínum færum, sem þeir gerðu vel.\"

Þróttarar hafa einungis unnið þrjá leiki í sumar og tveir þeirra hafa komið gegn Skagamönnum.

„Það hlýtur bara að vera gjafapakki frá okkur til þeirra, sjáum hvað þeir geta nýtt sér út úr því,\" sagði Ármann Smári.