Van Persie skoraði á Etihad - Carragher skaut á Neville

Góðgerðarleikur Vincent Kompany var spilaður í kvöld en hann fór fram á Etihad-leikvanginum í Manchester. Leiknum lauk með 2-2 jafntefli og tóku fjölmargir þekkir leikmenn þátt.

Sergio Aguero og David Silva spiluðu meðal annars með City-liðinu.

Goðsagnar Man City spiluðu gegn úrvalsliði ensku úrvalsdeildarinnar en það byrjaði vel hjá City sem skoraði á 2. mínútu. Gary Neville gerði sig sekan um slæm mistök sem varð til þess að Martin Petrov skaust upp vinstri vænginn og þrumaði knettinum í þaknetið.

Robbie Keane, fyrrum framherji Tottenham og Liverpool, jafnaði metin eftir hálftímaleik og þá var hollenski framherjinn Robin van Persie á ferðinni í byrjun síðari hálfleiks.

Robin van Persie doing what he does best

Scoring goals at The Etihadpic.twitter.com/melIabhlrk

— UTFR 🇾🇪 (@ManUtd_HQ) September 11, 2019

Undir lok leiks jafnaði Benjani metin fyrir Man City og lokatölur því 2-2. Vincent Kompany spilaði ekki leikinn vegna nárameiðsla.

Jamie Carragher, sparkspekingur á Sky, spilaði leikinn með Neville í vörninni en Neville skammaði Carragher í varnarleiknum í fyrsta markinu. Carragher var fljótur að bregðast við í viðtali eftir leik.

„Hann á að fylgja manninum. Neville er alltaf að tala um það á Sky Sports!" sagði Carragher.

Benjani's last minute goal and classic celebration!#Tackle4MCR #ManCity pic.twitter.com/L488CEzDCG

— Man City | Superbia (@SuperbiaProeIia) September 11, 2019

Lið Man City: Hart, Zabaleta, Toure, Lescott, de Jong, Nasri, Ireland, Silva, Wright-Phillips, Aguero, Petrov

Lið úrvalsdeildarinnar: van der Sar, Neville, Carragher, Carrick, Cole, Arteta, Butt, Scholes, Giggs, Keane, van Persie