Coutinho hefur orðið að martröð fyrir Gerrard

Vandamál Villa endurspeglast í Brasilíumanninum Philippe Coutinho sem skoraði fimm mörk eftir að hann kom til félagsins á láni frá Barcelona í janúar. Hann er hinsvegar engu að skila eftir að hann var alfarið keyptur til félagsins.

Coutinho er hvorki að skora né leggja upp og hefur verið geymdur á bekknum í nokkur skipti.

„Coutinho hefur orðið að martröð fyrir Gerrard. Coutinho hefur ekkert sýnt en Gerrard ákvað að veðja algjörlega á hann," sagði sparkspekingurinn Chris Sutton við BBC.

„Ég er orðlaus yfir því hversu slakir sóknarmenn Villa eru. Ef leikmennirnir halda áfram að spila svona þá er spurning hvort Gerrard þurfi að skipta þeim út í janúar?" sagði Roy Keane við Sky Sports. „Þetta eru leikmenn með gæði en hafa brugðist."

Jamie Carragher segir að Coutinho sé skugginn af þeim leikmanni sem hann var og það sé eins og völlurinn sé of stór fyrir hann, hraðinn of mikill og aðrir leikmenn of kraftmiklir.