Fotbolti.net
16.11.26 - 16:38
Elvar Geir Magnússon

Eiður setur stórt spurningarmerki við að Aron byrji ekki

Aron í upphitun með Sævari Atla.

Aron í upphitun með Sævari Atla.

Canon

Mynd: Fótbolti.net - Haukur Gunnarsson

Eimskip
Hjörtur Hermannsson kemur inn í byrjunarlið íslenska landsliðsins fyrir leikinn gegn Lúxemborg sem hefst klukkan 17.

Hjörtur var ekki í upphaflega leikmannahópnum í þessu verkefni en var kallaður inn vegna leikbanns Harðar Björgvins Magnússonar og meiðsla Stefáns Teits Þórðarsonar.

Eiður Smári Guðjohnsen er sérfræðingur í útsendingunni á Sýn Sport og finnst honum furðulegt að Aron Einar Gunnarsson byrji meðal varamanna í ljósi þess að hann hefur verið í hópnum allan tímann.
Byrjunarlið Íslands - Hjörtur og Brynjólfur inn
TENGT EFNI

Byrjunarlið Íslands - Hjörtur og Brynjólfur inn

Lestu um leikinn: Ísland 0 - 0 Lúxemborg
„Mér finnst það rosalega sérstakt, ekki bara því þetta er Aron Einar okkar fyrirliði í öll þessi ár. Það er bara það að leikmaður sem er ekki í hóp upphaflega komi beint inn í byrjunarliðið. Hvaða skilaboð eru það til hinna leikmannana sem eru á bekknum?" sagði Eiður Smári á Sýn.

„Manni þætti eðlilegt að einstaklingur af bekknum kæmi inn í byrjunarliðið og leikmaður utan hóps kæmi inn á bekkinn. Það ætti að vera eðlileg þróun. Arnar tekur þessa ákvörðun, við völdum hann sem landsliðsþjálfara og þurfum að standa með honum. En ég set stórt spurningarmerki við þetta."

Kári Árnason er einnig í útsendingunni og segir ljóst að Arnar sé meira að hugsa um áhrif Arons Einars utan vallar en innan þegar hann velur hann.

„Hann hefur sagt að hann vilji hafa hann í hópnum, hann hefur ekkert endilega sagt að hann sé í hópnum til að spila. Hann staðfestir það með þessu vali," sagði Kári.

Hvað segir Arnar Gunnlaugsson?
Arnar fór í viðtal við Val Pál Eiríksson fyrir leikinn og hann útskýrði þar pælingu sína varðandi það að Hjörtur væri í byrjunarliðinu en ekki Aron.

„Það spyrja vafalítið sig margir af hverju Hjörtur hafi ekki verið í hópnum en komi beint í byrjunarliðið. Ég hefði alltaf hugsað mér að Aron yrði í því hlutverki í þessum glugga að hann kæmi inn til að loka leikjum, með sína kunnáttu, reynslu og visku. Mér fannst ekki ástæða til að breyta því. Hjörtur er í góðu standi, búinn að spila mikið fyrir Gautaborg og þar sem við erum með háa ákefð frá upphafi taldi ég hann betri kost til að starta," sagði Arnar Gunnlaugsson.
Hjörtur Hermannsson byrjar.

Hjörtur Hermannsson byrjar.

Canon

Mynd: Fótbolti.net - Haukur Gunnarsson

Eiður Smári Guðjohnsen.

Eiður Smári Guðjohnsen.

Canon

Mynd: Fótbolti.net - Sævar Geir Sigurjónsson

Eiður setur stórt spurningarmerki við að Aron byrji ekki
Canon

Mynd: KSÍ

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.